Este libro ofrece unha primeira achega a unha cronoloxía histórica de Vigo, dende os vestixios dos seus primeiros habitantes e pasado prehistórico e romano, pola vila medieval e moderna até a cidade contemporánea actual. Máis de milleiro e medio de acontecementos documentados na xeografía, arqueoloxía e na historia viguesas, tanto política, económica, social, con atención preferente á da cultura. Cunha intención tamén didáctica, este libro pretende axudar a mediadoras e docentes de Primaria e Secundaria como ferramenta nos traballos referidos á historia e a memoria da cidade de Vigo.