Este libro fala sobre unha cidade de Vigo descoñecida, invisible e a piques de desaparecer. Trátase da cidade xurdida nos anos do grande crecemento demográfico e inmobiliario da metade do século XX, cunha arquitectura comercial urbana que amosa unha imaxe, no exterior, achegada por un modesto material de revestimento de fachada colorista, controvertido e sorprendente: o gresite; un material inicialmente pensado para revestir locais húmidos ou piscinas , e que neses anos saíu a superficie dos edificios para achegar unha imaxe de "modernidade". O autor proponnos un paseo por esta cidade para descubrir e identificar edificios "gresíticos", que aínda subsisten, pero que pronto quedarán ocultos por outras capas da historia.