A arte e a ciencia xuntas poden comunicar e difundir mellor o coñecemento do entorno natural. Dúas autoras, procedentes do campo da Arte e da Ecoloxía tropical, decidiron entrelazar as súas disciplinas para desenvolver unha imaxe máis completa do que é unha planta. Adentraranse na multidimensionalidade vexetal, tentando comprender dun xeito holístico a natureza de sete especies de árbores da selva amazónica da Guayana Francesa e a súa resposta ante o cambio climático.