SOÑOS DE PIRATA é o meu terceiro libro. Ve a luz nuns momentos escuros, tristes, cheos de inquedanzas no conxunto da sociedade, onde o día de mañá non é para moitos e moitas, nin moito menos, un momento de ilusión, senón máis ben o contrario.Mais aínda así este poemario fai un chamamento á ilusión e á esperanza, a non deixarse vencer. Segue a ter un alto contido social e de loita continua, así como o recoñe?cemento da muller galega na vida e desenvolvemento do País.Atrévome a tocar un tema aínda tabú, a DEPRESIÓN, que segue a ser unha enfermidade tabú e que avanza a pasos axigantados nunha sociedade deshumanizada, que despreza a súa propia casa, a TERRA, e non se decata que a terra nun chisco nos pode sacar do medio.SOÑOS DE PIRATA é, pois, un poemario que chama á ilusión, a ver a Luz aínda nas peores situacións.Espero vos guste, e se vos axuda a coller forzas nalgún momento difícil da vida, pola miña parte énchome de orgullo.Conta coas fotos da excelente fotógrafa coruñesa Ana Ruiz, como forma de plasmar de forma visual as alegrías, temores e medos da vida.MOITAS GRAZAS.Salvador Ribadomar