Por diversas razons, Ramón Piñeiro é umha personalidade relevante no campo da nossa cultura nacional. É também umha figura controversa em razom das suas flutuantes e nem sempre harmoniosas relaçons com o nacionalismo galego.Este trabalho pretende achegar um perfil do intelectual galeguista afastado do simples panegírico ou a biografia encomiástica; um perfil que dê conta das suas apreciáveis contribuiçons à cultura e definiçom da identidade galega, mas que, ao mesmo tempo, nom perda a olhada crítica na hora de valorizar com perspectiva histórica o conjunto da sua vida e obra, de vital transcendência, para bem e para mal, para o nosso presente e futuro colectivos.Com a biografia político-intelectual do personagem como pano de fondo, revisitam-se as diversas frentes da sua actividade desenvolvida ao longo de mais de meio século (tentativas de reconstruçom do galeguismo no pós-guerra, projecto Galaxia, cenáculos intelectuais e estudantis de inspiraçom piñeirá, a sua dimensom como teórico, o fenómeno do piñeirismo, o grupo Realidade Galega...) a caminho de obter umha radiografia de conjunto de dom Ramón e o seu tempo.