Existe un bosque misterioso habitado

por seres fascinantes e marabillosos: fadas,

trasgos, bruxas. As fadas tecen fermosos

manteis de liño que, con coidado, gardan

nunha arca porque alguén llelos quere

roubar. Pero non só elas son vítimas do

ladrón descoñecido, tamén o son os restantes

poboadores do bosque. O sabio e

vello caracol propón utilizar os manteis das

fadas como cebo para cazar a quen tanto

mal lles está a facer.

Se queredes saber o que logo ocorreu,

só tedes que ler con moita atención.