Quizais resulte, nestes tempos, curioso para o lector atoparse ante un ensaio que certifique a existencia dunha asociación de pais que se adxective con palabras como rexional e que teña por fin nada menos que a defensa do laicismo. A sorpresa desaparecerá un tanto cando se comprenda que estamos a referirnos a unha asociación nada no momento de triunfo do movemento republicano de 1931. Permanecerá, iso si, a expectativa, por canto esas palabras: rexionalismo, laicismo e republicanismo, están aínda condicionadas por fortes lastres ideolóxicos.