Eskuetan duzun liburu hau Matematikako praktikak egiteko prestatu dugu: Ingeniaritza, Arkitektura eta Zientzietako lehen mailako ikasleei zuzenduta dagoelarik. Lan honetan agertzen diren praktikak burutzeko Mathematica programa, bere 3.0 bertsioan erabiliko dugu. Gure helburua ez da software horren ezagutza sakona lortzea. Guretzako, programa tresna bat izango da, Aljebra Lineala eta Kalkulu Infinitesimala irakasgaietan jorratutako kontzeptuak finkatzen lagunduko diguna.