Programazio Didaktiko hau Nafarroako Hezkuntza Departamentuko 2019ko Enplegu Publikoko Eskaintzan parte hartzeko diseinatu da. Zehazki, Lehen Hezkuntzako 2. mailarako programatuta dago.Programazioa Matematika arloan zentratzen den arren, gaitasun guztiekin du harremana, hezkuntzaren ikuspuntu globalizatua eta integrala bermatzen baitu. Gaitasun hauek lantzeko arazo egoera funtzionaletan oinarritzen da, bizitza errealeko testuinguruek ikaskuntza esanguratsua bultzatzen dutelako. Hala, Unitate Didaktiko bakoitzak arazo egoera erreal bati erantzuten dio, modu sekuentziatu eta progresibo batean. Honetaz gain, adin honetako haurren behar ebolutiboak kontuan hartuz, Montessori materialez baliatzen da, ikaskuntza manipulatibo eta aktiboa bultzatzeko.Beraz, Programazio Didaktiko honek proposamen berritzailea dakar, ebidentzia zientifikoa duten metodologiak uztartuz ikaslea erdigunean jartzea du helburu, ikaskuntzaren protagonista bilakatuz eta errespetuzko hezkuntza aktiboa bermatuz.