Matar a Kerenski é a nova entrega de Xosé Antonio Moreno, autor vigués que en 1995 gañou o Premio Café Dublín de narrativa breve co libro O Cable inglés. Os sete relatos que compoñen esta recente publicación súa -tres deles galardoados co Premio Modesto R. Figueirido (Pedrón de Ouro)- teñen argumentos moi variados, referidos a diferentes épocas. O que caracteriza a todos é o xeito que amosa o autor na súa maneira de narrar, froito dun estilo claro e puro que leva os contidos á súa máis adecuada expresión. Se cadra outro punto en común represéntao a dialéctica entre a idea que os personaxes teñen da vida e a sorpresa que esta vida lles reserva. Sen querer,