Istòries e personatges, sentiments e sensibilitats pugnen per gésser ara lum en aguest libre. Un libre de bon liéger, beròi enes sues paraules, de facila rebrembança e ligason damb eth lector.Un mèstre victima d'eth madeish e atrapat ena embaradon d'ua societat retardada e entornejada per nautes montanhes que tot just dèishen entrar es rais deth darrèr solei.Un amor hèt a hóner pera malautia d'eth e era anhorança d'era, un trencament, un desenganh, malenconia e tristor plasmadi en un telefon inservible.áPetits racontes sus era umilacion des òmes enes guèrres, era soletat des persones quan arribe era vielhesa o simplament es rebrembi passadi a tóc de campana.áNon deishetz de passejar es vòsti uelhsper huelhes poetiques a on descurbiratz, sense dubte, er immens plaser de trapà-vos ath miei madeish der amor, era soletat, eth silenci, era istòria, era tradicion, era esperança, eth rebrembe, era vida, hèta paraula, hèta sensacion, emocion e sentiment.áPassatz es huelhes a plaser quan liegetz era seccion infantil. Deishatz córrer era imaginacion e era ingenuïtat. Es mès joeni vos dideràn causes que toti sabem mès que non mos arturam a pensar: racontes, istòries,poèmes, sus era Val d'Aran e sus nòstra vida vidanta passadi peth filtre sinzèr dera pluma mainadenca.Fixatz ena vòsta memòria es nòms de toti es autors qu'an hèt possibla aguesta naua publicacion en lengua nòsta: eri son eth fuutr, era nòsta esperança, era nòsta rason de contunhar lutant pera sua reconeishença e pervíuer.