Leonardo Escalona ha pasato a la chicota história de la literatura en aragonés per haver publicato tres poemas en belsetan -la bonica e conservadera variedat dialectal de la valle de Bielsa-, del que no hi hai guaires textos. Se trata de Las fiestas de San Medardo. Benabarre, Desde Bielsa para Puibolea e De Tiermas a Bielsa. Mayestro preocupato per la educación e per las nuevas corrients pedagogicas, la suya obra quedó a saber qué enronata per una prematura muerte en plena Guerra Civil e es posteriors anyos de dictadura. Con este volúmen la nuestra editorial, dimpués d'una fonda fayena d'investigacion, recupera la vita e obra d'Escalona, fixando de forma definitiva es suyos textos que, u bien per errors n'as cópias u per una malentendita delera correctora, hevan sufrito lamentables alteracions. Nos trobamos con un altro escritor imprescindible en esta Biblioteca Pirineus, que contina encerrinata en recuperar el millor de la nuestra literatura.