«Itsasoaren inbentarioa (irudiduna)» zientziaren dibulgaziorako album bat da, 100 bat animalia eta landare biltzen dituena itsasoko biodibertsitate aberatsa osatzen duten espezie guztien artetik. Horietako batzuk galzorian daude, hala nola zerra-arraina eta hegalaburra. Krustazeoak, moluskuak, arrainak, ugaztunak eta bestelako espezieak aurkituko dituzu gida xume eta praktiko honetan, zeina, zehatza eta teknikoa ez izanagatik ere, material interesgarria baita ekosistema ezezagun honen gainean ikasteko eta kontsultak egiteko. Ezagutzen ez ditugun milaka izaki baitaude, oraindik ere, Itsasoko Bizitzaren Erroldan sartzeke. Virgine Aladjidik espezie bakoitzaren izen arrunta, izen zientifikoa, sailkapena eta deskribapena jaso ditu. Emmanuelle Tchoukrielek, berriz, ilustrazio zehatz eta naturalisten bidez irudikatu ditu, rotringa, tinta txinatarra eta akuarelak erabiliz. Lortutako emaitzak antzinako esploratzaileen grabatuak dakarzkigu gogora. Liburu honek ?autoreok bilduma berean argitaratutako beste inbentario irudidunekin batera? natura inguruneari buruz gehiago jakiteko nahia pizten du haur nahiz helduengan, eta, hortaz, haren kontserbazioa sustatzen du. Hala ere, itsasoko espezieen dibertsitateak mehatxu ugari ditu: gehiegizko arrantza, kutsadura, habitaten suntsiketa Dibertsitate horren kalterako dira, halaber, klima-aldaketa eta ozeanoen azidotzea. Bestalde, biodibertsitatea galtzen ari da, modu azkar eta ikaragarrian. Mehatxaturik daude ozeanoetako espezieen heren bat baino gehiago; besteak beste, katxalotea