Liburu honetan modernitatearen ardatzetako bat den herritartasuna kontzeptua lantzen da, bertan azaltzen den bilakaera eta elementu garrantzitsuenak azpimarratzen direlarik. Zentzu honetan, aurreko enplegu motaren krisia eta honek sortutako gizarte prekarizazioa dela eta, besteak beste, gero eta jende gehiagok arazo anitz izaten ditu herritartasun eskubideak egikaritzeko eta sarritan ere bigarren mailako edota herritartasun ahuletaz hitzegin daiteke. Testuinguru honetan, alternatiben beharra ezinbestekoa da herritartasunaren berreraikuntza ahalbidetzeko, eta hauen artean akaso ezagunena eta entzutesuena Oinarrizko Errenta Unibertsalarena da, edo hitz gutxitan esanda, herritar guztiek bermaturik izango luketen diru-kopuru bat eskeintzea. Pentsatu daitekeenez, idei honek zalantza eta galdera asko pizten ditu. Hortaz, lan honen helburu nagusiena hauei erantzuna bilatzea eta Oinarrizko Errenta Unibertsalaren kontzeptua argitzea izango da. Azken finean, gaur egun beharrezkoa den eztabaida piztea eta suspertzea, alegia.