Jarraian aurkezten dugun lanak, 1876 eta 1937 bitartean Getxoko Udalak hiriaren bilakaeran eduki zuen parte hartzea aztertzen du. Demografia, hirigintza, ekonomia eta beste hainbat alorretan hazkunde nabarmena ezagutu zuen Getxok. Liburua 1876an hasten da, gerra karlistaren amaierarekin batera (1872- 1876), nahiz eta kapitulu batzuetan, zenbait gai hobeto ulertzeko asmoz, xix. mendearen erdialdera arte atzeratu den. Kontaketa 1937 arte iritsi da, hain zuzen ere, matxinoek hiria hartu arte. Lana ez da udalerriaren historia lokalera mugatzen, baizik eta hiria hobeto ulertzeko egindako ekarpen zehatza da. Gure helburua, 1876 eta 1937 bitartean Getxok bizi izan zuen eraldaketa hurbiletik ezagutzea da, prozesua gauzatzeko ezinbestekoak izan ziren aspektuei erreparatuz, hala nola, Udalak egindako kudeaketa, hirigintza jarduerak eta herritarrek aurrera eramandako hainbat ekimen.