Galicia en terra allea é unha nova batida desmitificadora para a chamada "clase política". Fiando con economías, historias, programas e estatísticas, Ventoso Mariño constrúe un retrato deste noso país contraditorio, no que aínda cre. Escrito no tempo en que fora presidente dos Deputados do PSOE no Parlamento de Galicia, deixa de lado a cortesía parlamentaria para armarse de estadullo e tolete nas mans, e argumentos na cabeza, cos que defender as súas opinións.