Arrauna, eta bereziki estropadak, tradizio handiko kirola da Euskal Herriko kostaldean. Udan oihartzun handia du irrati, telebista eta egunkarietan. Eta mundu berezi hori berezia da ere hizkuntzari doakionez. Eta guk hor erabiltzen diren hitzak, termino berezituak bildu, aztertu eta hiztegi batean eman nahi izan ditugu. Horretarako bi iturri-mota baliatu ditugu: idatziak (egunkari-aldizkarietako kronikak, artikuluak, elkarrizketak, liburuak...) eta ahozkoak (irrati- eta telebista-saioak, baina bereziki kirolariekin beraiekin eta zenbait aditurekin egindako elkarrizketa mamitsuak).