Uda, oporraldia, lagunak, lehenengo maitea, uraà gaztetan sarritan nahasten dira, eta nahaste horretatik betiko josita gelditzen zaizkigun esperientziak sortzen dira. Sasoi horretan esperientzia bizienak izaten dira lagunekiko harremana, eta norbere buruarekiko elkarrizketa eta sekretuak, eta jakina, lehenengo maitemina. Lehenengo neskato edo mutiko hori, lehenengo ukitu eta lehenengo musu hori; gaur egun hondartzaren bateko igerialdi artean; duela urte batzuk, ordea, edozein errekatako putzuren baten. Eta anabasa horretatik irudi eta irakaspen garbiak sortzen dira, beti gogoan eta aldean eramango ditugunak, eta neskato edo mutilo haren gomuta ahanztezina.