Eskuliburu hau esku artean baduzu, bejondeizula! Esan nahi du Erizaintza Kirurgikoaren esparruan trebatu nahi duzula, zeina erizaintzaren arlo zirraragarria baita zalantzarik gabe. Arlo horretan, maila teknologiko altua aurkituko duzu, eta ezinbestekoa da kalitateko giza arreta. Paziente kirurgikoak, bere bizitzan, aldi kritiko bat igarotzen du, zeinak pazienteari berari eta haren inguruneari eragiten baitie eta non beldurrak eta antsietatea agerian baitaude prozesuaren beraren eta hark izan ditzakeen emaitzen ondorioz; garrantzitsua da azpimarratzea harrera behar bezala egiteak ebakuntza aurreko antsietatea baretzen laguntzen duela. Sortu ginenetik, "ebakuntza-gelako erizain" deitzen zitzaigun orduan, konnotazio erabat teknologikoarekin, erizain kirurgiko izatera iritsi arte, Europako Erizaintza Perioperatorioaren konpetentziak garatzea helburu hartuta, bide luzea egin dugu.