Eraikinek eta haien instalazioek bete behar dituzten oinarrizko kalitate-eskakizunak erregulatzen dituen araudia biltzen du liburu honek. Eskakizun horien helburua da oinarrizko segurtasun- eta bizigarritasun-baldintzak betetzea, 1999ko azaroaren 5eko 38/1999 Eraikuntza Antolatzeko Legearen (EAL) amaierako bigarren xedapenean ezarritakoari jarraikiz.Honako oinarrizko arlo hauen baldintzak arautzen dituzte EKTren oinarrizko eskakizunek: «egituren segurtasuna», «suteetatik babesteko segurtasuna», «erabileraren segurtasuna», «higienea, osasuna eta ingurumenaren babesa», «zaraten kontrako babesa» eta «energia aurreztea eta isolamendu termikoa». Arlo horiek EALen 3. artikuluan zehazten dira, eta, EKTk ematen dituen prozedurei esker, behar besteko berme teknikoekin egiazta daiteke eskakizunok betetzen diren ala ez.