Janina Duszejko ingeniari erretiratua eta orain ingeleseko irakaslea da Polonia hego-mendebaldeko bazter menditsu batean. Neguan ez da ia inor bizi paraje haietan, baina hala ere hildakoak agertzen hasiko dira, eta guztiek ere ezkutuko ehizarekin lotuak, nonbait. Thriller itxurapean, gogoeta literario, ekologiko eta metafisikoak biltzen dituen eleberri mamitsua, azken Nobel saridunaren lanik enblematikoena.