Medikuntzako ikasleek beren bidean digestio-arloari buruzko kalitatezko materiala izateko ilusiotik jaio da liburu hau: digestio-aparatuko patologiaren oinarriak azaltzen dira modu erakargarrian, eta eskuz egindako irudi anatomikoek artisau-kutsua ematen diote. Benetako kasu klinikoak endoskopien eta beste proba osagarri batzuen bidez aurkezten dira, ikaslea errealitatera hurbildu nahian. Liburu hau baliagarria izan daiteke Medikuntzako ikasle eta irakasleentzat, Erizaintzako ikasle eta irakasleentzat, zein pazienteekin lan egiten duten internista, familia-mediku edo gastroenterologoentzat. Patologiaren oinarrietan murgiltzeko aukera paregabea eskaintzen du, eguneroko lanari zentzu handiagoa emateko asmoz.