É unánime na cultura galega contemporánea o recoñecemento do vastísimo labor que Filgueira Valverde, dende a temperá idade de quince primaveras, desenvolveu arredor de todo o relacionado con Galicia, coas súas cidades, vilas e aldeas, coas súas xentes, coa súa historia, antropoloxía, literatura, folclore, arte, pensamento... e así durante setenta e cinco anos, ata o pé da sepultura, saturados de vizosos traballos aínda hoxe imprescindibles.