Lao Zi ("irakasle agurgarria") eman ohi da eskuetan duzun liburuaren autoretzat. K.a. V. mendean bizi izan zen, bizi izan bazen. Liburua bera da inportantea: Dao De Jing, "Bidearen eta Bertutearen liburua". Labur bezain harrigarria zinez. Munduko hizkuntza gehienetara itzulia izan da. Zer da Daoa? "Zeru-lurren hasiera da. Gauza guztien Ama". "Betidanik gordea da, eta etengabe ageri da". Baina "hitzez adieraz daitekeen Daoa ez da betiereko Daoa". Liburu paregabe hau ez duzu espekulazio bihurria. Jakinduria da. Nola bizi? "Jakintsuak ez-eginez egiten du", "interes propiorik gabe". Nola bizi? Kosmosaren eta arnasaren bideari jarraituz. Yina eta Yanga elkartuz. Nola bizi? Ura, landare samurra, haur jaio berria bezala izanez. ôBigun eta malguak gogor eta indartsua garaitzen duö.