Onde os montes son de area. Corrubedo garda na súa cerna a meirande duna móbil do país, un cordón de montes de area vexetados dunha riqueza florística inusitada, unha marisma básica para miles de aves migratorias e invernantes, e mesmo dúas lagoas tan achegadas como diferentes: a do Carregal ùde augas salobres rodeadas por unha marismaù e a de Vixán ùde augas doces protexidas por mesto carrizal. E pola contorna unha serra flanqueada de vilas apaixoantes, cun patrimonio arqueolóxico sobresaínte, de cumios no ceo da costa.