XX. mende osoko musika herrikoian eragin handieneko sortzailea izango da seguru asko Bob Dylan, bai konposatzaile, bai interprete, bai letragile gisa. Folketik rockera, countrytik eta beste hainbat estilotatik pasatuz, 600 kanta baino gehiago sortu ditu sei hamarkadatan dirauen sortze-lan etengabean. Haren balio literarioa aitortu zion Suediako Akademiak Nobel saria emanez, eta orain euskaraz eskaintzen dugu edizio elebidunean, AEDrekin antolaturiko Jokin Zaitegi bekari eta Xabier Payaren itzulpenari esker.