Bizi diren herrian ez da haiek beste inor geratzen, alde egin zuten denek. Fabrikako ezbeharrak dena argiz bete zuen hainbat egunez, eta, gero, militarrak etorri ziren: etxeak hustu, gutunak ekarri eta mozkortzera. Hor, etorkizunetik asko eta iraganetik beste horrenbeste duen distopia horretan, eremu geografiko anbiguoan, bi mutil gazteren harremana izango da istorioren ardatza. Boris maitaleari eskutitzak bidaliko dizkio protagonistak beste hizkuntzan mintzatzen diren soldaduez eta haien bortizkeriez, mutilak barruan duen maitasun ezin kabituzkoaz. Desirari buruzko gogoeta eta zapalkuntzen alegoria gisa izendatu dute Guaschen lehen eleberri hau. Hamar hizkuntzatan irakur daiteke, eta 2024an The New Yorker aldizkarian urteko liburu onenetakoen zerrendan sartu zuten.