Aita-alabak, bata bestearekin beti edo gehienean. Tren-geltokiaren ondoan bizi dira behin; aireportutik gertu beste behin; Cadizen hurrena, Afrikako kostaldea ikusten dutela; itsasertzeko herri batean, berriz, gero. Galderak egiteko makina da neska txikia eta erantzunik zentzuzkoenak eman nahi dizkio bere aitak. Baina ez da giro! Aitak zer erantzun, beste galdera bat egiten dio alabak, erantzunean sakonduz eta munduan bizi ditugun kontraesanak azalera ekarriz: izan ere, zergatik ezarri ditugu hainbeste harresi -aduana, alegia-, gure inguruan?