Ópera prima de Xosé Manuel Villanueva, Adeus India, adeus é o testemuño literario de toda unha xeración, unha obra na que o autor descobre os desenganos e desilusións dos mozos que nos anos sesenta pretenderon cambiar o mundo con revolucionarias propostas e ideas. Preséntase como unha intensa experiencia de vida na que se amosa a imaxe da amizade reflectida nas accións e nos sentimentos dos personaxes. É unha historia difícil, ben construída, coa que Villanueva irrompe no territorio da literatura galega con forza e voz propia.