Hai grandes aventuras que esperan ao cabo da rúa, o único que se precisa é un pouco de imaxinación.

Santiago sae da casa no seu triciclo, disposto a dar a volta ao mundo. Durante o seu percorrido van sumándose un bo número de animais que se converten nos seus compañeiros de viaxe: un can, un gato, un coello, unha formiga, unha vaca, pero tamén un elefante, un cabalo, unha xirafa... Axudándose uns a outros descobren pequenos detalles, reais e ficticios, do mundo que os arrodea. Unha vez completada a volta ao quinteiro ?todo un universo que explorar? chega o momento de despedirse?

Kalandraka recupera esta obra de Javier Villafañe e Juan Ramón Alonso, Premio Austral Infantil en 1985, unha historia de estrutura acumulativa con ilustracións en técnica mixta, lapis de cor e acuarela, que achegan gran calidez e dinamismo a este relato.