Imago ye una muñeca rusa, un xuegu d´espeyos, una hestoria d´amor imposible, una novela que contién un diariu que contien munchos cuentos que contienen una novela que... Imago ye pura electricidá espositiva, un thriller qu´engancha dende la primer ringlera, cuando dalguién, que ta onde nun tien que tar, alcuentra un calabre, munches perres, un diariu... y l´empiezu d´una velea. El sexu, la culpa, la violencia y una imposible redención, marquen un viaxe pa nun se sabe ónde, por nun se sabe qué. Una obra que resume les meyores esencies d´un escepcional narrador.