Nola iristen gara hainbeste jakitera maneiatzen ditugun datuak hain urriak izanik? Zientziaren filosofiari gagozkiolarik zientzi teoria aztertuz ematen zaio erantzuna galdera horri. berau bait da ezagutza zientifikoaren oinarrizko entitatea eta, ondorioz, teoriaren izaerari eta garapenari dagozkien arazoen azterketaren inguruan zertzen da erantzuna, hein handi batetan. Beraz, zientzi teoria kontzeptuaren argitzean datza, hain zuzen ere, zientziaren filosofiaren oinarrizko eginkizuna.