Premio Raíña Lupa da Deputación da Coruña 2006. Velaquí a viaxe iniciática dun adolescente a Libunca, o país dos mortos. O encontro cos habitantes do Alén, e todo o proceso que tecen os designios para el e o seu pobo, converterán a súa viaxe nun camiño de maduración tras o cal nada será igual. Viaxar a Libunca será, pois, como viaxar no tempo. Polo tempo histórico, afastado pero sorprendentemente próximo, dun pobo, e a través do tempo persoal dun rapaz que está a descubrir a vida.