A obra máis emblemática de Eric Carle, agora en edición pop-up.á

Un domingo soleado, unha eiruga nace dun ovo. É pequena pero ten moita fame. Por iso, día a día, percorre as páxinas perforadas deste libro devorando todo canto atopa ao seu paso: froitas, verduras e algunha que outra larpeirada. Así, ata se converter nunha fermosa bolboreta.

O paso do tempo, o grande e o pequeno, os días da semana, os números, os nomes dos alimentos ou o proceso natural da metamorfose son elementos presentes neste álbum maxistralmente construído e ilustrado coa técnica da colaxe.á

Este clásico imprescindible de Eric Carle, traducido a máis de sesenta idiomas e do que se venderon máis de cincuenta millóns de copias, incorpórase agora ao catálogo de Kalandraka nunha nunha nova edición en formato despregable que sen dúbida sorprenderá os lectores e lectoras máis pequenos.