Biziak dira egunak, gertaeraz beteak. Ez dugu ezer izugarririk bizitzen baina geure buruetan pilatuz doazen imajinak dira. Zaila egiten zaigu bapateko irudi hauek asimilatzea, egunero gertatzen diren ezohizko gauza txikiak gogoan finkatzea. Horrelakoetan idaztea da baliabiderik onena, atsedenak probetxatuz, gauzak iristen direnean ustiatuz, eta bisitatzen ditugun herrietako plazetan dauden bakuez baliatuz forma eman egunean zehar ikusitakoari.