"Gasolindegiko neska zen. Gorputza manta zahar batean bilduta zeukan, dardara bizian. Hotzak ez ezik beldurrak eraginda, nik uste. Manta azpitik haren hanka biluziak agertzen ziren, Helenaren txapinak bistan geratuz. ùAjudar-me far favor ùesan zigun, aurreko eguneko hitzak errepikatuz, eta negarrez hasi zen." Neska gaztea, Brasiletik engainatuta ekarria, ganbaran ezkutatuta zegoen bahituta zeukaten gaizkileengandik ihes eginda. Eta elurraz eta inauteriez gozatzera Pirinioetara hurbildu diren lau gaztek neska horri laguntzea erabaki dute, baina harrezkero sekulako istiluetan sartu dira. Gaizkile eta polizia ustelen susmopean, ihes egiteko bideak itxita, egoera larrian daude herritarrek inauteriak ospatzen dituzten bitartean. Hil ala biziko egoeran!