O coñecido sociolingüista Rafael L. Ninyoles defínese como un falante dunha lingua ameazada e ofrece as súas solucións fronte ás ameazas desde criterios científicos, solucións destinadas a todos aqueles que teñan interese en practicar e defender calquera idioma minorizado. Mostra, ademais, como a Política Lingüística é moito máis ampla que aquela á que nos teñen afeitos os poderes públicos.