Fernández de la Cigoña transmite ao lector o esencial destas manifestacións artísticas populares, neste volume centradas na provincia da Coruña. Estruturado como unha guía e clasificados os distintos petos e esmoleiros, a obra completa as explicacións con abondosas fotografías, que mostran os detalles máis importantes de cada unha destas pezas. Xunto cos outros dous volumes, que corresponden ás provincias de Pontevedra e Ourense, obtemos unha importante clasificación dos cruceiros e petos de ánimas, resucitando así a memoria da Galicia tradicional e dos seus costumes algo esquecidos no mundo moderno.