Nas páxinas de Referentias atopamos poemas xurdidos despois da visita a unha casa (Sophia de Mello Breyner Andresen), un mausoleo (Don Dinís), un pazo (Teixeira de Pascoães), xardíns (Pla i Armengol), unha praza ( San Pietro), unha escultura ou pintura (Michelangelo, Tiziano, Bernini, Brueghel O Vello), unha cidade (Compostela), un cemiterio (Viena) e ditos sexan como exemplo non exhaustivo. Son lugares onde establece diálogos con persoeiros ou persoeiras que para el son referentes. Literarios, de humanidade, de loita social ou como creadores de beleza (citemos na arquitectura a Gaudí) que o atinxiron. Pois o poeta sempre é un procurador de beleza. Entendendo a palabra beleza no senso menos vulgar posíbel.