Esta publicación recompila as investigacións presentadas nas IX Xornadas de doutorandos/as, organizadas polo Programa de Doutoramento en Comunicación da Universidade de Vigo. Neste encontro científico, o estudantado de dito programa amosa a súa contribución no eido da comunicación e dende ópticas diversas. Os temas tratados son as características dos negocios dixitais en Portugal e o impacto neles da pandemia de Covid 19, a relación entre a vestimenta e a ideoloxía política, as ferramentas para estudar a calidade da representación das mulleres e o sexismo nos medios audiovisuais, a estrutura de comunicación no Tribunal de Xustiza da UE e a súa posible aplicación aos tribunais dos países membros e, por último, a conexión entre a procedencia da persoa directora dunha película ou serie e a adscrición desta ao xénero Galician Noir.